Бүгін, 17 сәуірде Чемпиондар лигасының ширек финалдық кездесулері өтті. Манчестер қаласындағы ойында "Реал Мадрид" футбол клубы жеңіске жетті, деп хабарлайды KAZ.NUR.KZ.
Испаниялық "Реал Мадрид" футбол клубы Чемпиондар лигасының ширек финалдық кезеңі аясында англиялық "Манчестер Сити" командасына қарсы қарымта матч өткізді. "Этихадтағы" ойынның негізгі уақыты 1:1 есебімен тең аяқталды. Матчтың алғашқы голын "Реал" шабуылшы Родриго соқты. Алайда англиялық команданың жартылай қорғаушысы Кевин Де Брюйне 76-минутта гол соғып, есеп теңестірді.
Экстра-таймда гол соғылмады. Сол себепті жартылай финалға шығатын команда ойын соңындағы пенальти сериясы арқылы анықталды. "Манчестер" ойыншылары 3 мәрте гол соқса, мадридтік "Реал" футболшылары 4 рет мергендік танытты. Нәтижесінде 3:4 есебімен испаниялық клуб жартылай финалға өтті.
Жартылай финалға шыққан командалар. "Реал Мадрид", "ПСЖ", "Боруссия Дортмунд" және "Бавария".
Мақаланың түпнұсқасы: https://kaz.nur.kz/sport/football/2086721-real-madrid-cempiondar-ligasynyn-zartylai-finalyna-syqty/
