Қазақстандық миллиардер Англиядағы футбол клубын сатып алды

Қазақстандық кәсіпкер Михаил Ломтадзе англиялық "Уиком Уондерерс" футбол клубын сатып алды. Бұл туралы KAZ.NUR.KZ "Уиком Уондерерс" командасының ресми сайтына сілтеме жасап хабарлайды.

Ағылшын футбол лигасының рұқсатынан кейін Михаил Ломтадзе, Эдуард Вишняков және Дэн Райс "Уиком Уондерерс" футбол клубының директорлар кеңесінің құрамына енді. Сонымен қатар Ломтадзенің Blue Ocean Partners II Limited компаниясы енді аталмыш клубтың 90 пайыз акциясына иелік етеді.

"Біз тұрақты түрде жоғары деңгейде өнер көрсететін клубты дамыту бойынша ұзақ мерзімді стратегиямыздың ажырамас бөлігі болатын тиімділігі жоғары академия құруға талпынамыз", - деді Михаил Ломтадзе.

Айта кетейік, "Уиком Уондерерс" Англияның бірінші лигасында (үшінші дивизион) ойнайды. Команда осы маусымды 10-орынмен аяқтаған еді.

Мәтіннен қате тапсаңыз, бізге жазыңыз