"Ордабасы" футбол командасы клуб президентінің қызметінен кеткенін хабарлады

Шымкенттік "Ордабасы" ұжымы футбол клубының президенті Бауыржан Абдубаитов қызметінен кеткенін хабарлады. Бұл туралы KAZ.NUR.KZ клубтың Instagram желісіндегі парақшасына сілтеме жасап хабарлайды.

"Ордабасы" футбол клубының президенті Бауыржан Абдубаитов денсаулығына байланысты қызметінен кетті.

Бауыржан Тойшыбекұлы клубқа қиын кезеңде келіп, екі жылдың ішінде Қазақстан Кубогы мен Қазақстан чемпиондығына жеткізді. Бауыржан Тойшыбекұлы, көп рахмет! ", - делінген хабарламада.

"Ордабасы" ұжымы Бауыржан Абдубаитовке атқарған жұмысы үшін алғыс білдіріп, алдағы уақытта табысының артып, жаңа жетістіктерге жетуіне тілек білдірген.

Мәтіннен қате тапсаңыз, бізге жазыңыз