Германиялық "Боруссия" футбол клубы УЕФА Чемпиондар лигасының жартылай финалдық сериясында франциялық "Пари Сен-Жермен" командасын екінші рет жеңіп, турнирдің финалына шықты. Бұл туралы KAZ.NUR.KZ тілшісі хабарлайды.
Матч Париждегі "Парк де Принс" стадионында өтіп, 1:0 есебімен аяқталды. Жалғыз голды 50-минутта "Боруссияның" жартылай қорғаушысы Матс Хуммельс соқты.
Екі команданың өткен аптадағы алғашқы ойынында да германиялықтар басым түскен еді. Осылайша, "Боруссия" екі матч қорытындысы бойынша 2:0 есебімен жеңіске жетіп, биылғы маусымдағы Чемпиондар лигасының алғашқы финалисі атанды.
"Боруссия" ұжымы финалда испаниялық "Реал Мадридпен" немесе германиялық "Бавариямен" кездеседі. Бұл екі команданың алғашқы ойыны тең есеппен аяқталған еді (2:2).
Чемпиондар лигасының ақтық сыны 1 маусымға жоспарланған. Ол Лондондағы "Уэмбли" стадионында өтеді.
Мақаланың түпнұсқасы: https://kaz.nur.kz/sport/football/2097458-chempiondar-ligasynyng-algashqy-finalisi-anyqtaldy/
