"Реал Мадрид" футбол клубы Чемпиондар лигасының финалына шықты

Испаниялық "Реал Мадрид" футбол клубы Чемпиондар лигасының финалына жолдама алды. Бұл туралы KAZ.NUR.KZ тілшісі хабарлайды.

Бүгін, 9 мамырда Чемпиондар лигасының жартылай финалдық кездесуі өтті. Испания астанасы Мадридте өткен қарымта ойында "Реал" 2:1 есебімен жеңіске жетті. Матчың алғашқы голын германиялық "Бавария" клубының ойыншысы Альфонсо Дэвис (68-минутта) соқты. Ал испаниялық команданың шабуылшысы Хоселу 88 және 90+1-минутта гол салып, камбэк жасауға көмектесті.

Чемпиондар лигасының алғашқы финалисі 8 мамырда анықталған еді. "Боруссия" екі ойын қорытындысы бойынша "ПСЖ" командасын 2:0 есебімен жеңіп, ақтық сынға жолдама алды.

Айта кетейік, аталмыш турнирдің финалдық кездесуі 1 маусым Лондондағы "Уэмбли" алаңында өтеді. Егер мадридтік "Реал" жеңсе, клуб тарихындағы 15-кубокқа қол жеткізеді.

Мәтіннен қате тапсаңыз, бізге жазыңыз