Чемпиондар лигасының осы маусымдағы үздік футболшысы анықталды

УЕФА Чемпиондар лигасының 2023/2024 жылғы маусымының үздік ойыншысы анықталды. Бұл туралы KAZ.NUR.KZ УЕФА қауымдастығының ресми сайтына сілтеме жасап хабарлайды.

Испаниялық "Реал Мадрид" футбол клубының шабуылшысы Винисиус Жуниор ЧЛ-дың осы маусымдағы үздік ойыншысы атанды. Бразилиялық вингер аталмыш турнирде 6 гол соғып, 5 нәтижелі пас берген. Сонымен қатар "Боруссияға" қарсы финалдад да мергендік танытты.

Ал турнирдің ең үздік жас ойыншысы Джуд Беллингем деп танылды. Мадридтік команданың футболшысы Чемпиондар лигасының осы маусымында 4 гол және 5 ассистпен көзге түсті.

Айта кетейік, "Реал Мадрид" футбол клубы тарихында 15 рет Чемпиондар лигасының кубогын жеңіп алды. Лондонда өткен финалда германиялық "Боруссия Дортмунд" ұжымын 2:0 есебімен жеңген еді.

Мәтіннен қате тапсаңыз, бізге жазыңыз