Футболдан Еуропа чемпионатының екінші турында Украина құрамасы Словакияны ұтты. Бұл туралы KAZ.NUR.KZ тілшісі хабарлайды.
Е тобында бақ сынап жатқан екі құраманың ойыны Дюссельдорфта (Германия) өтіп, 1:2 есебімен аяқталды.
Матчтың 17-минутында Словакия құрамасының футболшысы Иван Шранц гол салып, командасын есепте алға шығарды. Ал екінші таймда украиналық жартылай қорғаушы Николай Шапаренко (53-минутта) есепті теңестірді. Кейін оның командаласы Роман Яремчук 80-минутта мергендік танытты. Осылайша, украиналықтар жеңіске жетіп, үш ұпай еншіледі.
Айта кетейік, Словакия құрамасы бірінші турда Бельгияны 0:1 есебімен ұтса, украиналықтар Румыния командасынан 3:0 есебімен жеңіліп қалған еді.
Енді 26 маусымда Украина үшінші тур аясында Бельгия құрамасымен кездеседі. Ал Словакия сол күні Румынияға қарсы ойнайды.
Германиядағы Еуропа чемпионатында 24 құрама бақ сынап жатыр. Топтық кезең 26 маусымға дейін жалғасса, плей-офф кезеңі 29 маусымда басталады.
Мақаланың түпнұсқасы: https://kaz.nur.kz/sport/football/2121951-euro-2024-ukraina-quramasy-slovakiiadan-basym-tusti/
