Top.Mail.Ru
Спорт

Сайт нұсқасы

ru kz

Зектілері

"Тобыл" Еуропаның үздік лигасындағы футболшымен келісімшартқа отырды

Опубликовано:

Футболшы Руи Кошта
Футболшы Руи Кошта. Фото: Jose Manuel Alvarez/Quality Sport Images/Getty Images

Қостанайлық "Тобыл" футбол клубы Португалия жоғары дивизионында өнер көрсеткен шабуылшы Руи Коштамен келісімшартқа отырды. Бұл туралы "Тобыл" футбол клубының басшысы Әлімжан Қалдияр өзінің Instagram желісіндегі ресми парақшасында жариялады, деп хабарлайды KAZ.NUR.KZ.

Бұл трансфер жөнінде "Тобыл" футбол клубының басшысы Әлімжан Қалдияр:

"Трансферлік кезеңнің бірінші күні біз шабуылшымен келісімшарт жасастық. 7 айдың ішінде біз 300-ден астам шабуылшыға талдау жүргіздік. Біз бұл мәмілені жариялауға қуаныштымыз, командаға қош келдіңіз!", - деді Әлімжан.

28 жастағы португалиялық шабуылшы Руи Кошта бұған дейін Португалия жоғары дивизионында өнер көрсететін "Фаренсе" футбол клубының негізгі құрамында ойнаған. 2023/24 маусымда ол 25 ойын өткізіп, 5 гол соғып, 3 нәтижелі пас берген. Осы маусымды "Фаренсе" футбол клубы Португалия чемпионатын 10-орынмен тәмамдаған.

"Тобыл" футбол клубымен арадағы келісімшарт мәселелерінің мән-жайы әлі белгісіз.

Transfermarket порталының мәліметінше, Руи Коштаның трансферлік құны 500 мың еуроға бағаланды.

Мақаланың түпнұсқасы: https://kaz.nur.kz/sport/football/2124192-tobyl-futbol-kluby-europanyng-uzdik-ligalarynyng-birinde-oner-korsetetin-oiynshymen-kelisimshartqa-otyrdy/