Top.Mail.Ru
Спорт

Сайт нұсқасы

ru kz

Зектілері

Еуро-2024: Грузия құрамасы Португалияны жеңіп, тарихи жетістікке қол жеткізді

Опубликовано:

Грузия құрамасы
Грузия құрамасы. Фото: Stuart Franklin - UEFA/UEFA via Getty Images

Бүгін, 27 маусымда футболдан Еуропа чемпионатының 3-туры аясында Грузия және Португалия құрамалары кездесті. Бұл туралы KAZ.NUR.KZ тілшісі хабарлайды.

F тобындағы екі құраманың ойыны Гельзенкирхен қаласындағы (Германия) "Фелтинс Арена" cтадионында өтті. Бұл матчта Грузия құрамасы Роналду бастаған Португалияны 2:0 есебімен жеңіп, Еуропа чемпионатындағы алғашқы жеңісіне қол жеткізді. Осылайша Грузия F тобында 4 ұпай жинап, 3-орынға табан тіреді. Десе де бұл нәтиже келесі кезеңге өту үшін жетеді. Еуропа чемпионатына алғаш қатысып жатқан Грузия 1/8 финалда Испания құрамасына қарсы ойнайды.

Грузияның жанкүйерлері
Грузияның жанкүйерлері. Фото: Hesham Elsherif/NurPhoto via Getty Images

Топтық кезеңнің қорытындысы бойынша Чехия F тобында 4-орынға жайғасып, турнирді аяқтады. Ал осы топтағы Португалия мен Түркия командалары плей-оффқа жолдама алды.

Айта кетейік, Германияда өтіп жатқан Еуропа чемпионатының топтық кезеңі бүгін 27 маусымда аяқталды.

Еуропа чемпионатының келесі сатысы 29 маусымда басталады. Қазіргі таңда осы құрамалар плей-оффқа өтіп үлгерді. Олар: Германия, Швейцария, Испания, Италия, Англия, Дания, Словения, Аустрия, Франция, Нидерланд, Румыния, Бельгия, Словения, Португалия, Түркия.

"Хабардар бол!" - NUR.KZ ұсынған жаңалықтар топтамасы

Редакция ең өзекті мақалаларды бір жерге топтастырып, назарға ұсынады. Әлемде және елде болып жатқан аптаның ең маңызды оқиғаларынан әрдайым хабардар болып отырыңыз.

* міндетті түрде толтырылуы керек жол

Мақаланың түпнұсқасы: https://kaz.nur.kz/sport/football/2124705-euro-2024-gruziia-quramasy-portugaliiany-zhengip-tarihi-zhetistikke-qol-zhetkizdi/