Еуро-2024: испаниялық футболшы матч кезінде жарақат алып, жарыстан шығып қалды (видео)
Жарияланған күні:
Испания құрамасының ойыншысы Педри футболдан Еуропа чемпионатының 1/4 финалында жарақат алып, жарыстан шығып қалды. Бұл туралы KAZ.NUR.KZ тілшісі хабарлайды.
Бүгін, 5 шілдеде Еуропа чемпионатының ширек финалындағы Испания – Германия матчында Педри жарақат алды. Оны матчтың 4-минутында Германия құрамасының футболшысы Тони Кроос шалып құлатты. Бірақ төреші Энтони Тэйлор сары қағаз көрсеткен жоқ. Аяғын ауыртып алған Педри ойынды жалғастыра алмай, оның орнына алаңға 8-минутта Дани Ольмо шықты.
Айта кетейік, Испания құрамасы 1/8 финалда Грузияны 4:1 есебімен жеңіп, ширек финалға шыққан еді. Ал Германия командасы өткен матчта Данияны 2:0 есебімен ұтып, келесі кезеңге жолдама алған болатын.
Германияда өтіп жатқан Еуропа чемпионатының жартылай финалы 9-10 шілдеде, ал ақтық мәре 14 шілдеде болады.
- УЕФА ұйымы Аустрия қақпасына гол соққан түркиялық футболшыны жазалады
- Мбаппе Роналдуға қарсы ойнайды: бүгін Еуропа чемпионатының ширек финалы басталады
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/football/2129898-euro-2024-ispaniialyq-futbolshy-pedri-match-kezinde-zharaqat-alyp-oiyndy-zhalgastyra-almady-video/
