"Футбол майданындағы соңғы шайқас": Месси құрамадағы мансабын аяқтайтынын меңзеді ме

Футболдан Аргентина құрамасының капитаны әрі шабуылшысы Лионель Месси Америка кубогы туралы айтып, ұлттық құрамадағы мансабын аяқтайтынын меңзеді. Бұл туралы KAZ.NUR.KZ TyC Sports арнасының Х желісіндегі ресми парақшасына сілтеме жасап хабарлайды.

"Біз жалпы құрама ретінде осы сәттің рахатын сезінейікші. Мен дәл қазіргі қуанышымды өзім секілді басқа да жандармен бөлісемін. Сондай-ақ Ди Мария мен Отаменди сияқты бойымда үлкен қуаныш кернеп тұр және бұл футбол майданындағы соңғы шайқас екенін түсінемін", - деді Месси TyC Sports арнасына берген сұқбатында.

Айта кетелік, аргентиналықтар биылғы Америка кубогының финалына шықты. Ақтық сында Аргентина құрамасы Колумбиямен кездеседі. Шешуші кездесу 15 шілдеде сағат 05:00-де өтеді.

Мәтіннен қате тапсаңыз, бізге жазыңыз