"Тобыл" футбол клубы Еуропа лигасының іріктеу кезеңін жеңіліспен бастады

Қостанайлық "Тобыл" футбол клубы Еуропа лигасының бірінші іріктеу кезеңінде cырт алаңда cловакиялық "Ружомберок" командасынан жеңіліп қалды. Бұл туралы KAZ.NUR.KZ тілшісі хабарлайды.

Ружомберок қаласында өткен ойын 5:2 есебімен словакиялықтардың пайдасына шешілді.

Алаң иелері сапынан Адам Габриель (11 және 88-минутта), Александр Селекки (40), Матуш Мали (45+3), Матей Мадленак (77-минутта) гол соқты. Ал "Тобыл" құрамынан Игор Иванович (9), Давид Хенен (45) мергендік танытты.

Айта кетейік, қарымта ойын 18 шілдеде Қазақстанда өтеді. Бірінші кезеңнен сүрінбей өткен команда келесі кезеңде түркиялық "Трабзонспорға" қарсы ойнайды.

Осыған дейін Чемпиондар лигасының бірінші іріктеу кезеңінде шымкенттік "Ордабасы" молдовалық "Петрокубпен" тең ойнаған еді. Ал "Ақтөбе" ұжымы Конференция лигасының алғашқы іріктеу сатысында "Сараевоға" есе жіберді.

Мәтіннен қате тапсаңыз, бізге жазыңыз