"Мұқият ойластырған шешімім": Роналду ұлттық құрамадағы мансабын аяқтау жөнінде пікір білдірді
Опубликовано:
Сауд Арабиясының "Әл-Наср" футбол клубының шабуылшысы Криштиану Роналду Португалия ұлттық құрамасындағы мансабын қалай аяқтауды жоспарлап отырғанын айтты. Бұл туралы KAZ.NUR.KZ тілшісі хабарлайды.
- Криштиану Роналду Португалия ұлттық құрамасындағы мансабын аяқтау туралы шешімін алдын ала ескертпейтінін айтты.
- Роналду бұл шешімнің күтпеген, бірақ мұқият ойластырылған болатынын атап өтті.
- Футболшы Португалия құрамасында 2003 жылдан бері ойнап, 212 матчта 130 гол соғып, 47 нәтижелі пас берген.
"Мен ұлттық құраманың намысын қорғау мүмкіндігіне ие болғаныма шексіз қуаныштымын. Бұл менің арманым! Сондықтан Португалия құрамасынан кетуге шешім қабылдағанда, бұл туралы ешкімді алдын ала ескертпеймін. Бұл менің күтпеген, бірақ өте мұқият ойластырылған шешімім болады", - деді Криштиану Роналду NOW телеарнасына берген сұқбатында, деп жазады abola.pt басылымы.
Криштиану Роналду Португалия құрамасында 2003 жылдан бері өнер көрсетеді. Осы уақыт аралығында ол ұлттық құрама сапында 212 матч өткізіп, 130 гол соғып, 47 нәтижелі пас берді.
Айта кетейік, Роналду Еуро-2024 турниріне қатысып, Португалия құрамасы сапында ширек финалға дейін жеткен болатын. Германияда өткен турнирде шабуылшы бес матчқа қатысып, гол соқпағанымен, бір нәтижелі пас берді.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/football/2153788-muqiiat-oilastyrgan-sheshimim-ronaldu-ulttyq-quramadagy-mansabyn-aiaqtau-zhoninde-pikir-bildirdi/