Ресейлік бапкер Александр Кержаков алматылық "Қайраттан" кетуі мүмкін

Алматылық "Қайраттың" бас бапкері болып тағайындалғанына небәрі 3 ай болған Александр Кержаков командадан кеткісі келетінін мәлімдеді. Бұл туралы спорт инсайдері Иван Карпов Telegram желісіндегі ресми арнасында жазды, деп хабарлайды KAZ.NUR.KZ.

Осындай ақпарат "Қайраттың" өз алаңында "Астанадан" жеңілгенінен кейін тарады. Футболдан Қазақстан премьер лигасының 19-туры аясында өткен ойында жеңілген алматылық клуб 1-орынын сақтап қалды. Бірақ "Ақтөбе" мен "Елімай" 31 ұпаймен көш басындағы "Қайратқа" жақындай түсті.

Айта кетейік, Александр Кержаков биыл мамыр айының соңында "Қайрат" тізгінін қолға алған еді. Содан бері ел чемпионатында 9 матч өткізіп, соның 5 жеңіске жетті. Тағы 2 ойында тең ойнап, 2 матчта жеңілген.

Кержаковқа дейін "Қайратты" қазақстандық бапкер Кирилл Кекер жаттықтырған. Жергілікті маман қазір "Ордабасыға" бас бапкер болды.