Дүйсенбі, 9 қыркүйекте футболдан Қазақстан құрамасы УЕФА Ұлттар лигасының екінші кезеңінде бақ сынайды. Словенияға қарсы өтетін матчқа қатысты ең жиі қойылатын сауалдардың жауабын KAZ.NUR.KZ тілшісі анықтап көрді.
Матч Қазақстан уақытымен сағат 23:45-те басталады. Кездесу Словения астанасы Любляндағы "Стожице" стадионында өтеді.
Кездесудің тікелей трансляциясын Qazsport телеарнасынан көруге болады. Матчтан кейін телеарнаның YouTube арнасында кездесудің ең тартысты сәттеріне шолу жарияланады.
Айта кетсек, 6 қыркүйекте футболдан Қазақстан ұлттық құрамасы Ұлттар лигасының топтық кезеңі аясында Норвегия құрамасына қарсы матч өткізді. В дивизионында өнер көрсететін қос құрама Алматыда кездесті.
Қазақстан мен Норвегия арасындағы ойын 0:0 есебімен аяқталды. Бұл матчта Қазақстан құрамасы қарсылас команда қақпасына 5 соққы жасады. Ал Норвегия құрамасы Игорь Шацкий қақпасына 20 соққы бағыттады.
Мақаланың түпнұсқасы: https://kaz.nur.kz/sport/football/2159316-ulttar-ligasy-qazaqstan-men-sloveniia-arasyndagy-matchty-qaidan-koruge-bolady/
