Футзалдан әлем чемпионаты: Қазақстан құрамасының плей-оффтағы алғашқы қарсыласы анықталды

Футзалдан Қазақстан құрамасы Өзбекстанда өтіп жатқан әлем чемпионатының 1/8 финалында қай командамен ойнайтыны белгілі болды. Бұл туралы KAZ.NUR.KZ тілшісі хабарлайды.

Қазақстан құрамасының плей-офф кезеңдегі алғашқы қарсыласы қазіргі әлем чемпионы – Португалия болады. Бұл команда топтық кезеңнің соңғы турында Мороккомен кездесіп, 4:1 есебімен жеңіске жетті. Осылайша E тобында көш бастады.

1/8 финал аясындағы Португалия — Қазақстан матчы 26 қыркүйекте Әндіжанда (Өзбекстан) өтеді.

Айта кетейік, Қазақстан құрамасы топтық кезеңнің қорытындысы бойынша D тобында екінші орынға жайғасып, плей-офф кезеңге өткен еді. Ұлттық команда биылғы әлем чемпионатындағы алғашқы ойынын Испанияға қарсы өткізіп, 1:1 есебімен тең тарқасты. Кейін Ливияны жеңcе (1:4), соңғы турда Жаңа Зеландияны 10:0 есебімен ойсырата ұтқан болатын.