31 жастағы футболшы Рафаэль Варан кәсіби мансабын аяқтады
Опубликовано:
Франциялық футболшы Рафаэль Варан Instagram желісіндегі ресми парақшасында кәсіби мансабын аяқтағанын мәлімдеді. Бұл туралы KAZ.NUR.KZ хабарлайды.
Италиялық "Комо" клубының қорғаушысы Рафаэль Варан кәсіби мансабын аяқтау туралы шешім қабылдады.
31 жастағы Рафаэль Варан "Комо" клубына еркін агент ретінде ауысқан еді. Италиялық клуб сапындағы дебюттық кездесуінде қорғаушы ауыр жарақат алып, маусымның соңына дейін алаңға шыға алмады.
Кейін "Комо" Рафаэль Варанды негізгі өтінімнен алып тастады. Франциялық футболшы бұл клубта тек небәрі 23 минут қана ойнай алды.
Айта кетейік, Рафаэль Варан "Реал", "Манчестер Юнайтед" секілді атақты клубтарда, сондай-ақ Франция ұлттық құрамасында өнер көрсетті.
2018 жылы Франция құрамасы сапында Варан әлем чемпионы атанды. "Реал" клубымен бірге төрт рет УЕФА Чемпиондар лигасын жеңіп алды.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/football/2165815-frantsiialyq-futbolshy-ma-te/