Аустрия – Қазақстан: бүгін ұлттық құрама сырт алаңда ойын өткізеді

Бүгін, 10 қазанда Футболдан Қазақстан ұлттық құрамасы Ұлттар лигасының 3-туры аясында Аустриямен кездеседі. Бұл туралы KAZ.NUR.KZ хабарлайды.

Ұлттар лигасының 3-туры аясында футболдан Қазақстан ұлттық құрамасы сырт алаңда Аустриямен кездеседі. Матч Линц қаласының "Райффайзен Арена" стадионында өтеді.

Қазақстан мен Аустрия құрамалары арасындағы ойын Астана уақыты бойынша сағат 23:35-те басталады. Матчтың тікелей көрсетілімін "Qazsport" телеарнасынан көруге болады.

Үш күннен кейін, 13 қазанда Қазақстан ұлттық құрамасы Алматыда Словенияны қабылдайды.

Айта кетейік, Қазақстан құрамасы биылғы Ұлттар лигасы маусымындағы алғашқы ойында Норвегиямен кездесіп, тең түскен болатын (0:0). Ал аталмыш турнирдің 2-турында Словения құрамасына қарсы сырт алаңда өткен ойында Қазақстан құрамасы жеңіліс тапты (0:3).

Мәтіннен қате тапсаңыз, бізге жазыңыз