Футболдан Қазақстан ұлттық құрамасы қатарынан үшінші матчта жеңіліс тапты

УЕФА Ұлттар лигасы аясында Қазақстан құрамасы өз алаңында Словениямен кездесті. Бұл туралы KAZ.NUR.KZ хабарлайды.

Бүгін, 13 қазанда футболдан Қазақстан ұлттық құрамасы УЕФА Ұлттар лигасының 4-туры аясында Словенияға қарсы кездесу өткізді. Алматыдағы Орталық стадионда өткен матчта Қазақстан құрамасы 0:1 есебімен жеңіліс тапты.

Матчтағы жалғыз голды Словения құрамасының ойыншысы Ян Млакар (55-минут) соқты.

Айта кетейік, Қазақстан құрамасы биылғы Ұлттар лигасы маусымындағы алғашқы ойында Норвегиямен кездесіп, тең түскен болатын (0:0). Ал аталмыш турнирдің 2-турында Словения құрамасына қарсы сырт алаңда өткен ойында Қазақстан құрамасы жеңіліс тапты (0:3). Турнирдің 3-турында Қазақстан ұлттық құрамасы сырт алаңда Аустриядан ойсырай жеңілді (0:4).

Мәтіннен қате тапсаңыз, бізге жазыңыз