Қазақстандық маман Владимир Чебуриннің жетекшілігіндегі Вильнюстің "Жальгирис" клубы Литва футбол чемпионатының алтын медалін мерзімінен бұрын жеңіп алды. Бұл туралы KAZ.NUR.KZ хабарлайды.
Литва футбол чемпионатының 33-турында "Жальгирис" клубы сырт алаңда "Дайнаваны" 5:0 есебімен жеңіп, 73 ұпай еншіледі.
Бұл жеңіс "Жальгирис" командасына 2-орында тұрған "Хегельман" командасынан 13 ұпайға озып кетуге мүмкіндік берді. Осылайша Литва футбол чемпионатының аяқталуына 4 тур қалғанда, 60 ұпайы бар "Хегельман" командасы "Жальгиристі" қуып жету мүмкіндігінен айырылды.
"Жальгирис" футбол клубының бас бапкері қызметін қазақстандық маман Владимир Чебурин атқарады.
Айта кету керек, қазақстандық маман Владимир Чебурин Литва чемпионы атағын алтыншы рет жеңіп алды. Ол бұл жетістікті үш рет "Жальгириспен" және үш рет "Судувамен" бағындырған.
Мақаланың түпнұсқасы: https://kaz.nur.kz/sport/football/2176692-qazaqstandyq-futbol-bapkeri-altynshy-marte-europalyq-chempionatta-top-zhardy/
