УЕФА Чемпиондар лигасы: "Қайрат" футзал клубы алғашқы ойында жеңіске жетті

Футзалдан УЕФА Чемпиондар лигасының негізгі кезеңі аясында алматылық "Қайрат" пен венгриялық "Халадаш" клубтары кездесті. Бұл туралы KAZ.NUR.KZ хабарлайды.

Бүгін, 22 қазанда УЕФА Чемпиондар лигасының негізгі кезеңінің 1-туры аясында алматылық "Қайрат" клубы венгриялық "Халадашқа" қарсы кездесу өткізді. Матч Алматыдағы Балуан Шолақ атындағы спорт сарайында өтті.

"Қайрат" футзал клубы сапынан Невеш де Лима (7-минут), Эдсон (10), Арриета (28) гол соқты.

Сондай-ақ бұл топта қазақстандық "Семей" футзал клубы мен португалиялық "Спортинг" командасы да бар. Қос клуб 1-турда кездесіп, португалиялық ұжым 6:4 есебімен жеңіске жетті.

УЕФА Чемпиондар лигасының регламенті бойынша бұл төрттіктен УЕФА Чемпиондар лигасының элиталық раундына үздік 3 команда өтеді.

Айта кетейік, "Қайрат" футзал клубы УЕФА Чемпиондар лигасын 2012/2013 және 2014/2015 жылғы маусымында топ жарған.

Мәтіннен қате тапсаңыз, бізге жазыңыз