Футзалдан Қазақстан ұлттық құрамасының бас бапкері Пауло Рикардо Кака II дәрежелі "Достық" орденімен марапатталды. Бұл туралы KAZ.NUR.KZ тілшісі хабарлайды.
Құрметті атақ Қазақстан Республикасы президенті Қасым-Жомарт Тоқаевтың жарлығымен елімізде спортты дамытуға және оны нығайтуға қосқан елеулі үлесі үшін берілді. Бас бапкерге марапатты туризм және спорт вице-министрі Серік Жарасбаев табыстады.
Кака Қазақстан құрамасын 2018 жылдан бері жаттықтырып келеді. Оның қол астында біздің құрама 2021 жылғы әлем чемпионатында 4-орын алды. Бұл Қазақстан құрамасының әлем чемпионатындағы ең үздік көрсеткіші. Бұған қоса Қазақстан құрамасы қазіргі уақытта ФИФА рейтингінде 5-орында тұр. Сонымен қатар биыл, қыркүйек айында Өзбекстанда өткен әлем чемпионатында плей-офф кезеңінде өнер көрсетті. Бірақ ширек финалда Аргентина құрамасына 1:6 есебімен жеңілген едік.
Айта кетейік, Қазақстан құрамасы Какамен келісімшарт мерзімін 2026 жылдың соңына дейін ұзартты.
Мақаланың түпнұсқасы: https://kaz.nur.kz/sport/football/2178471-qazaqstanda-isteitin-braziliialyq-bapker-memlekettik-ordenmen-marapattaldy/
