Бүгін, 7 қарашада "Астана" футбол клубы УЕФА Конференция лигасы аясындағы үшінші ойынын өткізді. Бұл туралы KAZ.NUR.KZ хабарлайды.
Бүгін елордалық "Астана" футбол клубы УЕФА Конференция лигасы аясында кипрлық "Пафос" командасына қарсы ойын өткізді. Нәтижесінде, "Астана" клубы 0:1 есебімен жеңіліс тапты.
Ойындағы жалғыз голды қарсылас команданың ойыншысы Андесрон матчтың 87-минутында салып кетті.
Естеріңізге сала кетейік, УЕФА Конференция лигасының 1-турында "Астана" өз алаңында Сербияның ТСЦ "Бачка-Топола" клубын 1:0 есебімен жеңген болатын, ал 2-турда Англияда Уэльстің "Нью-Сейнтс" командасына 0:2 есебімен жол берді.
"Астана" УЕФА Конференция лигасының жалпы кезеңінде 28 қарашада "Виториямен" (Португалия), 12 желтоқсанда "Челсимен" (Англия), 19 желтоқсанда "АПОЭЛ"-мен (Кипр) ойнайды.
Мақаланың түпнұсқасы: https://kaz.nur.kz/sport/football/2184620-uefa-konferentsiia-ligasy-astana-songgy-minuttarda-ese-zhiberip-qoidy/
