Қазақстан – Аустрия: бүгін ұлттық құрама Алматыда ойын өткізеді

Бүгін, 14 қарашада футболдан Қазақстан ұлттық құрамасы Ұлттар лигасы аясында Аустрияға қарсы кездесу өткізеді. Бұл туралы KAZ.NUR.KZ хабарлайды.

Бүгін, 14 қарашада футболдан Қазақстан ұлттық құрамасы УЕФА Ұлттар лигасының 5-туры аясында Аустрияға қарсы кездесу өткізеді. Матч Алматыдағы Орталық стадионда өтеді.

Қазақстан мен Аустрия құрамалары арасындағы матчтың тікелей көрсетілімін "Qazsport" телеарнасынан көре аласыздар. Ойын сағат 20:00-де басталады.

Бұл топта Норвегия, Аустрия, Словения құрамалары 7 ұпайдан жинаған. Ал 1 ұпай еншілеген Қазақстан құрамасы бұл топтың соңғы орнына табан тіреген.

Айта кетейік, Қазақстан құрамасы биылғы Ұлттар лигасы маусымындағы алғашқы ойында Норвегиямен кездесіп, тең түскен болатын (0:0). Ал аталмыш турнирдің 2-турында Словения құрамасына қарсы сырт алаңда өткен ойында Қазақстан құрамасы жеңіліс тапты (0:3). Турнирдің 3-турында Қазақстан ұлттық құрамасы сырт алаңда Аустриядан ойсырай жеңілсе (0:4), 4-турда Словенияға есе жіберіп қойды (0:1).

Мәтіннен қате тапсаңыз, бізге жазыңыз