Футболдан Қазақстан құрамасы Ұлттар лигасының үшінші дивизионына төмендеді: бұл нені білдіреді

Футболдан Қазақстан ұлттық құрамасы УЕФА Ұлттар лигасының екінші дивизионындағы орнын сақтай алмады. Бұл туралы KAZ.NUR.KZ хабарлайды.

Төрт турдан кейін Қазақстан құрамасының В дивизионындағы орнын сақтап қалуға мүмкіндігі бар еді. Алайда кеше, 14 қарашада өз алаңында өткен ойында Қазақстан құрамасы Аустриядан 0:2 есебімен жеңіліп, бұл мүмкіндікті жіберіп алды.

Енді Қазақстан құрамасы өз тобында соңғы төртінші орынды иеленіп, С лигасына түсіп қалды.

Осылайша Ұлттар лигасының келесі маусымында Қазақстан құрамасы С дивизионындағы командалармен ойнайды. Дегенмен қарсыластардың нақты тізімі топтық кезең мен плей-офф матчтары аяқталған соң белгілі болады.

Ұлттар лигасының келесі маусымы 2026 жылдың қыркүйегінде басталады. Ол арқылы Қазақстан құрамасы Еуро-2028 іріктеу кезеңіне қосымша мүмкіндік ала алады. Бірақ қазіргі жарыстағы сәтсіздік командаға 2026 жылғы әлем чемпионатына Ұлттар лигасы арқылы – тек іріктеу турнирі арқылы өтуге мүмкіндік бермейді.

Айта кетейік, жалпы рейтингте Қазақстан құрамасы 33-тен 40-қа дейінгі аралықтағы орындардың біріне жайғасады. Бұл Ұлттар лигасының келесі топтық кезеңіне жеребе тарту кезінде маңызды рөл атқарады.

Мәтіннен қате тапсаңыз, бізге жазыңыз