Нұралы Әліп Ресей чемпионатындағы алғашқы голын салған соң жарақат алып қалды (видео)

Футболдан Қазақстан құрамасының және "Зенит" (Санкт-Петербург) клубының ойыншысы Нұралы Әліп Ресей Премьер лигасындағы алғашқы голын салып, сол матчта жарақат алып қалды. Бұл туралы KAZ.NUR.KZ хабарлайды.

Кеше, 1 желтоқсанда "Зенит" РПЛ-дің кезекті туры аясында өз алаңында "Крылья Советов" (Самара) командасын қабылдады. Матч 2:3 есебімен алаң иелерінің жеңілісімен аяқталды. "Зениттің" екінші голын 78-минутта қазақстандық футболшы Нұралы Әліп салды. Бұл оның РПЛ матчында соққан алғашқы голы болды.

Ойын аяқталуына бірнеше минут қалғанда Нұралы Әліп жарақат алып қалды. Ол тобығын қайырып алып, 82-минутта басқа ойыншымен алмастырылды. Қазақстандық футболшының жарақат алған сәтінің скриншоты Telegram-дағы "СБГ Мысли Вслух" арнасында жарияланды.

"Әліптің жантүршігерлік жарақаты (оң аяғының тобығы тайып кеткен). Қазақтың тезірек сауығып, қатарға қосылуын тілейміз", - деп жазды арна авторы.

Айта кетейік, Нұралы Әліп осы маусымда "Зенит" сапында 12 матч өткізген. Қазір оның командасы РПЛ турнир кестесінде 39 ұпаймен көш бастап тұр.

Посмотреть эту публикацию в Instagram

Публикация от Instagram

Мәтіннен қате тапсаңыз, бізге жазыңыз