"Атырау" футбол клубы мен Қазақстан ұлттық құрамасының қорғаушысы Әділбек Жұмаханов мансабын Бельгия чемпионатында жалғастыруы мүмкін. Бұл туралы KAZ.NUR.KZ Instagram желісіндегі Aladop.kz парақшасына сілтеме жасап хабарлайды.
Дереккөздің мәліметінше, бельгиялық клуб 21 жастағы қорғаушымен келісімшартқа қол қоюға дайын. Сонымен қатар Әділбек Жұмахановқа Қазақстан премьер-лигасының екі клубы да қызығушылық танытып отыр. Қазақстандық командалар ойыншыға жақсырақ шарттар ұсынуға әзір.
Әділбек Жұмаханов 2019 жылдан бері "Атырау" клубының намысын қорғап келеді. ҚПЛ-дың өткен маусымында ол "Атырау" сапында 18 матч өткізді. Бұған дейін ол қызылордалық "Қайсар" командасында ойнаған.
Айта кетейік, биылғы жылдың қараша айында Әділбек Жұмаханов футболдан Қазақстан ұлттық құрамасы сапында алғашқы ойынын өткізіп, Аустрия құрамасына қарсы матчта дебют жасады.
Мақаланың түпнұсқасы: https://kaz.nur.kz/sport/football/2195646-baq-qazaqstandyq-futbolshy-sporttyq-mansabyn-belgiiada-zhalgastyruy-mumkin/
