"Щацкий үйде": ұлттық құраманың негізгі қақпашысы "туған" клубына оралды
Опубликовано:
Футболдан Қазақстан ұлттық құрамасының қақпашысы Игорь Щацкий қарағандылық "Шахтер" клубына қайта оралды. Бұл туралы KAZ.NUR.KZ клубтың Instagram желісіндегі ресми парақшасына сілтеме жасап хабарлайды.
Футболдан Қазақстан ұлттық құрамасының негізгі қақпашысы Игорь Щацкий "Ақтөбе" футбол клубынан қарағандылық "Шахтер" клубына ауысты.
"Шац – біздікі, Шац – үйде! Дұрыс көзқарастармен, конструктивті диалогпен және үлкен ынтамен көп нәрсе мүмкін деп ойлаймыз", - делінген клубтың Instagram желісіндегі мәлімдемесінде.
35 жастағы қақпашы Игорь Щацкий өткен маусымда "Ақтөбе" клубы сапында өнер көрсетті. "Ақтөбе" клубы сапында ол Қазақстан премьер-лигасында, Лига кубогында, еурокубоктық бәсекеде ойнады.
Сондай-ақ ол футболдан Қазақстан ұлттық құрамасының негізгі қақпашысы саналады. Ол ұлттық құрамада 2019 жылдан бері өнер көрсетіп келеді.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/football/2196998-shatskii-uide-ulttyq-quramanyng-negizgi-qaqpashysy-tugan-klubyna-qaita-oraldy/