Шағын футболдан 6x6 форматындағы әлем чемпионатында Қазақстан құрамасы күміс медаль жеңіп алды Бұл туралы KAZ.NUR.KZ хабарлайды.
Шағын футболдан әлем чемпионатының финалында Қазақстан құрамасы Оманмен кездесті. Нәтижесінде матчтың негізгі уақыты 1:1 есебімен аяқталып, ойын пенальти сериясына ұласты. Пенальти сериясында ұлттық құрама 0:2 есебімен жеңіліп қалды.
Жартылай финалда қазақстандықтар Хорватиямен кездесті. Негізгі уақыт тең аяқталды, ал жеңімпаз пенальти сериясында анықталды. Пенальтиде Қазақстан құрамасы 3:2 есебімен басым түсті.
Қола жүлдені Хорватия мен Румыния құрамалары өзара сарапқа салады.
Айта кетейік, топтық кезеңде Қазақстан ұлттық құрамасы Англияны (3:0), Румынияны (1:0) және Суданды (3:0) жеңіп, тек Уругвайдан (1:2) жеңіліп қалды. Плей-офф матчтарында қазақстандық футболшылар Сербияны (4:2) және Бразилияны (3:2) жеңген еді.
Мақаланың түпнұсқасы: https://kaz.nur.kz/sport/football/2197535-shagyn-futboldan-qazaqstan-quramasy-alem-chempionatynyng-kumis-zhuldegeri-atandy/
