Бүгін, 13 желтоқсанда Цюрихте (Швейцария) 2026 жылғы футболдан әлем чемпионатына еуропалық іріктеу турнирінің жеребесі тартылып, Қазақстан құрамасының қарсыластары белгілі болады. Бұл туралы KAZ.NUR.KZ тілшісі хабарлайды.
Жеребе қорытындысы бойынша Қазақстан құрамасы J тобына түсті. Ұлттық команданың қарсыластары – Бельгия, Уэльс, Солтүстік Македония және Лихтенштейн. Бұл топтың матчтары 2025 жылы наурыз – қараша аралығында болады.
Әр топта жеңімпаз атанған құрамалар әлем чемпионатына тікелей өтеді. Сондай-ақ екінші орын иегерлері тағы 4 жолдама сарапқа салынатын плей-офф кезеңінде бақ сынайды.
2026 жылғы әлем чемпионатына еуропалық іріктеу турнирінің жеребесі:
- А тобы: Германия/Италия (жеңгені), Словакия, Солтүстік Ирландия, Люксембург;
- В тобы: Швейцария, Швеция, Словения, Косово;
- С тобы: Португалия/Дания (жеңілгені), Грекия, Шотландия, Беларусь;
- D тобы: Франция/Хорватия (жеңгені), Украина, Исландия, Әзербайжан;
- E тобы: Испания/Нидерланд (жеңгені), Түркия, Грузия, Болгария;
- F тобы: Португалия/Дания (жеңгені), Венгрия, Ирландия;
- G тобы: Испания/Нидерланд (жеңілгені), Польша, Финляндия, Литва;
- H тобы: Австрия, Румыния, Босния және Герцеговина, Кипр;
- I тобы: Германия/Италия (жеңілгені), Норвегия, Израиль;
- J тобы: Бельгия, Уэльс, Солтүстік Македония, Қазақстан;
- K тобы: Англия, Сербия, Албания;
- L тобы: Франция/Хорватия (жеңілгені), Чехия, Черногория.
Айта кетейік, футболдан әлем чемпионаты 2026 жылдың 11 маусымы мен 19 шілдесі аралығында АҚШ, Мексика және Канадада өтеді. ФИФА-ның футбол шекарасын кеңейту бағдарламасы аясында турнирге алғаш рет 48 құрама қатыспақ.
Мақаланың түпнұсқасы: https://kaz.nur.kz/sport/football/2200313-qazaqstan-futbol-quramasynyng-alem-chempionatyna-irikteudegi-qarsylastary-anyqtaldy/
