14 жастағы қазақ баласы испаниялық клубтың академиясымен келісімшартқа отырды
Опубликовано:
Қазақстандық жас ойыншы Сәлім Хасанов испаниялық "Леванте" клубының академиясымен келісімшартқа отырды. Бұл туралы KAZ.NUR.KZ футболшының Instagram желісіндегі ресми парақшасына сілтеме жасап хабарлайды.
Қазақстанның U-15 жасөспірімдер құрамасының ойыншысы Сәлім Хасанов Испанияның "Леванте" футбол клубының академиясымен келісімшартқа отырды.
14 жастағы Сәлім Хасанов бұған дейін "Қайрат" футбол клубының 2010 жылы туғандар арасындағы жасөспірімдер командасында ойнаған. Сәлім Хасанов өз жас санатында 20 гол соғып, жасөспірімдер лигасының үздік сұрмергені атанған.
Айта кетейік, Сәлім Хасанов испаниялық "Леванте" клубының академиясымен келісімшартқа отырған тұңғыш қазақ емес. Бұған дейін 2022 жылдың жазында Назар Доля есімді жас қазақстандық футболшы "Леванте" академиясына қабылданған болатын. Ал биыл жазда Назар Доля тағы бір испаниялық "Валенсия" клубының академиясына ауысты.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/football/2204801-14-zhastagy-qazaq-balasy-ispaniialyq-klubtyng-akademiiasymen-kelisimshartqa-otyrdy/