Шымкенттік "Ордабасы" футболшылары 3 аптаға Абу-Дабиге аттанады

Шымкенттік "Ордабасы" футбол клубы алғашқы оқу-жаттығу жиынын Абу-Дабиде өткізеді. Бұл туралы KAZ.NUR.KZ клубтың баспасөз қызметіне сілтеме жасап хабарлайды.

Шымкенттік "Ордабасы" футбол клубы Біріккен Араб Әмірліктерінің Абу-Даби қаласында өтетін алғашқы оқу-жаттығу жиынына аттанады. Алғашқы оқу-жаттығу жиыны Біріккен Араб Әмірліктерінде 11 қаңтар мен 30 қаңтар аралығында өтеді.

Клубтың баспасөз қызметінің мәліметінше, команда құрамы мен жолдастық кездесулер туралы толығырақ ақпарат жақын арада белгілі болады.

Айта кетейік, "Ордабасы" футбол клубы Қазақстан премьер-лигасының былтырғы маусымында 42 ұпай еншілеп, турнир кестесінде 4-орынға жайғасқан болатын. Сондай-ақ жыл қорытындысы бойынша "Ордабасы" футбол клубының ойыншысы Жасурбек Яхшибоевтың соққан голы былтырғы маусымның үздігі деп танылды.

Мәтіннен қате тапсаңыз, бізге жазыңыз