Қазақстандық экс-футболшы жол апатынан қайтыс болды

Қарағандылық "Шахтер" командасы мен Хорватия құрамасының бұрынғы жартылай шабуылшысы Никола Покривач жол апатынан көз жұмды. Ол небәрі 39 жаста болған, деп хабарлайды Vesti.kz-ке сілтеме жасаған KAZ.NUR.KZ.

Төрт көлік бірден соқтығысқан жол апаты Карловацта 18 сәуірде болған. Екі адам көз жұмып, үш адам ауруханаға жеткізілген. Көз жұмғандардың ішінде Покривач болған. Футболшы "Войнич" клубының жаттығуынан келе жатқан.

Покривач өз мансабында Хорватия құрамасында 15 матч ойнады. Футболшы "Вартекс", "Динамо", "Монако", "Ред Булл" (Зальцбург), "Интер" (Запрешич), "Риеку", "Шахтер" (Қарағанды), "Маккаби" (Петах-Тиква) және "Славен Белупо". Хорватияның екі дүркін чемпионы, Австрия чемпионы.

"2015 жылдан бастап Покривач ауыр дертпен күресіп, салдарынан кәсіби футболдан кетуге мәжбүр болған. Алайда ол соған қарамастан футболқа қайта оралып, бұл споорт түріне деген шексіз махаббатын дәлелдей білген", - делінген Хорватия футбол одағының мәлімдемесінде.

Ол қарағандылық "Шахтер" сапында 2014-2015 жылдары өнер көрсеткен.

Мәтіннен қате тапсаңыз, бізге жазыңыз