"Қайрат" футбол клубтарының әлемдік рейтингіне енді

Халықаралық футбол тарихы және статистика федерациясы (IFFHS) ресми сайтында әлемдегі ең үздік 500 клубтың жаңартылған рейтингін жариялады, деп хабарлайды KAZ.NUR.KZ.

IFFHS рейтингіне енген жалғыз қазақстандық клуб – алматылық "Қайрат". Рейтингте "Қайрат" 90,75 ұпай жинап, 240-орында тұр.

Дегенмен алматылық клубтың рейтингте кейбір танымал клубтардан жоғары тұрғанын айта кетейік. Мысалы, франциялық "Ницца" 242-ші, испаниялық "Севилья" 252-ші, ал Англияның "Вест Хэм" клубы 253-орынды иеленген.

Рейтингте көш бастап тұрған клубтарға келсек, бірінші орында Францияның "Пари Сен-Жермен" клубы, екінші орында "Реал Мадрид" тұр. Ал үздік үшікті Лондонның "Челси" командасы түйіндеген.

Рейтинг командалардың 2024 жылғы 1 желтоқсаннан 2025 жылғы 30 қарашаға дейінгі көрсеткіштерін ескере отырып жасалған.

Мәтіннен қате тапсаңыз, бізге жазыңыз