Мексика ұлттық құрамасы футболдан әлем біріншілігін жеңіспен бастады
Жарияланған күні:
Читать на русском
Мексика ұлттық құрамасы футболдан 2026 жылғы әлем чемпионатының алғашқы матчында Оңтүстік Африка командасын жеңді, деп хабарлайды KAZ.NUR.KZ.
А тобындағы алғашқы кездесу Мехико қаласындағы "Ацтека" стадионында өтіп, 2:0 есебімен алаң иелерінің пайдасына шешілді.
Гол соққандар: шабуылшылар Хулиан Киньонес (9-минутта) және Рауль Хименес (67-минутта). Нәтижелі пас бергендер: жартылай қорғаушы Эрик Лира, шабуылшы Роберто Альварадо.
Ал Оңтүстік Африка құрамасы матчты 10 адаммен аяқтады. Жартылай қорғаушылар Яя Ситхоле (49) мен Тхемба Зване (84) қызыл қағаз алды.
Қосымша уақытта (90+2) Мексика құрамасының қорғаушысы әрі команда капитаны Сесар Монтес та алаңнан қуылды.
Дегенмен турнирдің ашылу матчында жеңіске жеткен Мексика үш ұпай жинады. Оңтүстік Африкада ұпай жоқ. Сондай-ақ А тобында Оңтүстік Корея мен Чехия құрамалары бар.
2026 жылғы әлем чемпионаты 19 шілдеге дейін жалғасады. Әлем біріншілігіне алғаш рет 48 команда қатысып отыр.
- Күллі әлем көз тіккен футболдан әлем чемпионаты басталды
- Футболдан ӘЧ-2026: ашылу салтанатын, бірінші күннің матчтарын қайдан көруге болады
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/football/2387475-meksika-ulttyq-quramasy-futboldan-alem-birinshiligin-zhengispen-bastady/