Әлем чемпионатында Роналду бастаған Португалиямен ойнаған Конго командасы сенсация жасады

Футболдан 2026 жылғы әлем чемпионатында K тобында сынға түсіп жатқан Португалия мен Конго Демократиялық Республикасы құрамалары кездесуінің нәтижесі белгілі болды. Қос команданың есебі тең түсті, деп хабарлайды kazinform.

Жанкүйерлер бұл кездесуде португалиялық құрама жеңіске жетеді деп болжаған еді.

Криштиану Роналду бастаған жігіттер африкалық команда оп-оңай тізе бүктіреді деген ойда болғаны жасырын емес. Соған қарамастан ойын тарысты жағдайда өтті.

Кездесу барысында алғашқы минуттан Португалия құрамасы белсенділік танытқан еді.

Жылдам гол соғу мүмкіндігін іздеген олар діттеген мақсатына жете алмай жатты. Осындай сәттердің бірінде олардың қатарынан Жоау Невеш 6-минутта көздеген нысанадан мүлт кеткен жоқ.

Келесі кезекте конголық футболшылар таразы басын теңестіруге ұмтылды. Нәтижесінде 45-минутта Йоан Висса өз құрамасының доп додасындағы алғашқы голын соқты.

Осылайша құрамалар 1:1 есебіне қанағат білдірді.

Айта кетейік, 2026 жылғы футболдан әлем чемпионаты тарихта алғаш рет бірден үш елде — АҚШ, Канада және Мексикада өтеді. Турнир матчтары 11 маусым мен 19 шілде аралығында 16 қалада ұйымдастырылады.

Сондай-ақ бұл FIFA тарихындағы ең ауқымды әлем чемпионаты болмақ. Өйткені алғаш рет топтық кезеңде 48 ұлттық құрама бақ сынайды.

Мәтіннен қате тапсаңыз, бізге жазыңыз