Футболдан ӘЧ-2026: Франция мен Норвегия 1/8 финалға шықты
Жарияланған күні:
Читать на русском
Футболдан 2026 жылғы әлем чемпионатының 1/16 финалында Норвегия құрамасы Кот-д'Ивуардан, Франция командасы Швециядан басым түсті, деп хабарлайды KAZ.NUR.KZ.
Норвегия мен Кот-д'Ивуар арасындағы плей-офф матчы Арлингтондағы (Техас, АҚШ) "Эй-Ти-энд-Ти" стадионында өтіп, 2:1 есебімен аяқталды.
Ойынның 39-минутында шабуылшы Антонио Нуса алғашқы голды соғып, Норвегияны алға шығарды.
Екінші таймның 74-минутында ивуарлық шабуылшы Амад Диалло есепті теңестірді.
Ойынның 86-минутында норвегиялық шабуылшы Эрлинг Холанд есепті 2:1-ге жеткізіп, командасына жеңіс сыйлады.
Енді Норвегия құрамасы 1/8 финалда Бразилиямен кездеседі. Матч 6 шілдеде Қазақстан уақыты бойынша сағат 01:00-де басталады.
Ал Франция мен Швеция командалары арасындағы ойын АҚШ-тың Ист-Ратерфорд қаласындағы "Метлайф" стадионында өтіп, француздардың пайдасына шешілді.
Кездесуде соғылған голдардың авторлары – Килиан Мбаппе (45, 74-минуттарда дубль жасады) және Брэдли Барколя (53-минутта).
Қазіргі вице-чемпиондар 1/8 финалда Парагваймен кездеседі. Бұл матч 5 шілдеде Қазақстан уақыты бойынша 02:00-де басталады.
- Футболдан әлем чемпионаты: Германия Парагвайдан жеңіліп, жарыс жолын аяқтады
- Соңғы минуттағы гол: футболдан әлем чемпионатында Бразилия Жапонияны жеңіп, 1/8 финалға шықты
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/football/2394747-futboldan-ach-2026-frantsiia-men-norvegiia-1-8-finalga-shyqty/