"Ешкім өшіре алмайтын тарих": Месси финал алдында Аргентина құрамасына үндеу жасады

Футболдан Аргентина құрамасының капитаны Лионель Месси 2026 жылғы әлем чемпионатының финалы қарсаңында командаластарына үндеу жасады, деп хабарлайды KAZ.NUR.KZ.

Месси өз үндеуін Instagram-дағы парақшасында жариялады. Ол құраманың суретін бөлісіп, команданың жетістіктеріне үлес қосып жүрген барша жанға алғысын айтты.

"Осы жылдар ішіндегі ең кереметі – жеңіп алған титулдарымыз ғана емес, біз бірге жүріп өткен жол. Күн сайын команданың бір бөлігі болу, иық тіресе күресу, қиындықтарды еңсеру және әр сәттен ләззат алу.

Барлық әріптесіме, бапкерлер штабына және осы құраманың нағыз отбасы болып қалуы үшін күн сайын еңбек етіп жүрген әрбір жанға алғыс айтамын.

Ертең не болса да, бұл команда біз ешқашан ұмытпайтын және ешкім өшіре алмайтын тарихты жазып қойды. Алға, Аргентина!" - деп жазды футболшы.

Посмотреть эту публикацию в Instagram

Публикация от Leo Messi (@leomessi)

Айта кетейік, Аргентина құрамасы қатарынан екінші рет әлем чемпионатының финалына шықты. Олар чемпиондық атағын Испанияға қарсы матчта қорғайды.

Кездесу Ист-Ратерфордтағы "Метлайф" стадионында өтеді және Қазақстан уақытымен 19 шілдеден 20 шілдеге қараған түні сағат 00:00-де басталады.

Мәтіннен қате тапсаңыз, бізге жазыңыз