"Барыс" ойыншысы 56 секунд ішінде қарсылас қақпасына екі шайба соғып кетті

Құрлықтық хоккей лигасы аясында астаналық "Барыс" пен Челябинскінің "Трактор" командалары арасында кездесу өтіп жатыр. Аталған матчта қазақстандық клуб алда келе жатыр, деп жазады sports.kz сайтына сілтеме жасаған KAZ.NUR.KZ.

Екінші кезеңде "Барыстың" канадалық қорғаушысы Алекс Грант қатарынан екі шайба соқты. Ол бар болғаны 56 секунд ішінде қарсылас қақпасына екі рет дәл көздеп үлгерген.

Гол матчтың 19 және 20-минуттарына жазылды.

Одан бөлек, Александр Борисевич пен Никита Михайлис те бір шайбадан соқты.

Қазіргі таңда "Барыс" Шығыс конферециясында 10-орында келе жатыр.

Мәтіннен қате тапсаңыз, бізге жазыңыз