"Жылына 300 миллион теңге": Хоккейден ұлттық құрамада ең көп жалақы алатын ойыншылар кім

Хоккейден Қазақстан құрамасының кейбір ойыншылары Құрлықтық хоккей лигасындағы ең қымбат ойыншылардың тізіміне енді. Бұл туралы "Спорт Экспресс" басылымы хабарлады, деп жазады KAZ.NUR.KZ.

Дереккөз мәліметінше, ЦСКА-да ойнайтын Даррен Диц жылына 70 миллион рубль табады. Бұл шамамен 418 миллион теңге.

Джесси Блэкер ("Автомобилист") пен Никита Михайлис ("Барыс") жылына 50 миллион рубль жалақы алады (298,62 миллион теңге).

Жоғары жалақы алатын хоккейшілер тізімі:

Кертис Волк ("Автомобилист") — 45 млн. руб. (268,76 млн. теңге);

Виктор Сведберг ("Авангард") — 40 млн. руб. (238,90 млн. теңге);

Алексей Маклюков ("Металлург") — 35 млн. руб. (209,04 млн. теңге);

Роман Старченко ("Спартак") — 25 млн. руб. (149,31 млн. теңге);

Валерий Орехов ("Адмирал") — 20 млн. руб. (119,45 млн. теңге).

Айта кетелік, астаналық "Барыс" Құрлықтық хоккей лигасының биылғы маусымында плей-офф кезеңіне шыға алған жоқ.

Мәтіннен қате тапсаңыз, бізге жазыңыз