Көгалдағы хоккейшілер Азиададағы алғашқы жеңісіне қол жеткізді
Жарияланған күні:
Ханчжоудағы ХІХ жазғы Азия ойындарында көгалдағы хоккейден топтық кезең ойындары өтіп жатыр. Қазақстан әйелдер құрамасы Индонезияны 2-1 есебімен жеңіп, сәтсіз серияға нүкте қойды, деп жазады KAZ.NUR.KZ.
В тобына түскен Қазақстан әйелдер құрамасы Индонезиямен кездесіп, оларды 2-1 есебімен жеңіп кетті.
Гол авторлары: Виктория Лобанова мен Вера Домашнева. Нұржан Бейбітов баптайтын ойыншылар осыған дейін Таиланд пен Қытай құрамасынан жеңілген.
Енді шешуші турда 3 қазанда Қазақстан хоккейшілері Жапония командасымен ойнайды.
Айта кетейік, көгалдағы хоккейден Ұлттық құрама алғаш рет 1998 жылы Бангкоктағы Азиадада бақ сынаған. Үздік нәтижесі 6-орын (Инчхон, 2014 жыл), (Бангкок, 1998 жыл). Сондай-ақ Қазақстан 1999 бен 2017 жылдар аралығында Азия Кубогына 5 мәрте қатысып, 5-орыннан жоғары көтерілмеген.
- Азиада-2023: Боксшы Нұрбек Оралбай Қытайдағы этникалық қазаққа есе жіберді
- Боксшы Назым Қызайбай Азия ойындарының жартылай финалына шыға алмады
Мәтіннен қате тапсаңыз,бізге жазыңыз
Оригинал статьи: https://kaz.nur.kz/sport/hockey/2038780-kogaldagy-xokkeisiler-aziadadagy-algasqy-zenisine-qol-zetkizdi/
