Азиада-2023: Боксшы Нұрбек Оралбай Қытайдағы этникалық қазаққа есе жіберді
Жарияланған күні:
Қазақстандық боксшы Нұрбек Оралбай Азия ойындарының 1/8 финалында жеңіліс тауып, келесі кезеңге шыға алмады. Отандасымыз қытайлық қарсыласына есе жіберді, деп хабарлайды KAZ.NUR.KZ.
Нұрбек Оралбай 80 келі салмақ дәрежесінде Қытай намысын қорғаған этникалық қазақ Тохтарбек Танатханға қарсы жекпе-жек өткізді. Кездесу 3:2 есебімен Қытай өкілінің жеңісімен аяқталды.
Қазақстандық боксшы қарсыласын екінші раундта нокдаунға жібергеніне қарамастан, төрешілер жеңісті Тохтарбек Танатханға берді.
Қос спортшы үшін де бұл Азия ойындарындағы алғашқы жек-жек болған.
Айта кетейік, бұған дейін тағы бір отандық боксшы Назым Қызайбай Азия ойындарымен қош айтысты. Спортшы моңғолиялық қарсыласы Есугэн Оюунцэцэгке есе жіберді.
Сондай-ақ Сәкен Бибосынов та Азия ойындарында жеңіліс тапты. Ол өзбекстандық Хасанбай Дусматовқа жол беріп қойды.
Боксшы жекпе-жектен кейін жеңілісінің себебін түсіндіріп, қателіктің бәрі өзінен болғанын мойындады.
Ал бокстан әлем чемпионы Асланбек Шымбергенов Ханчжоудағы Азия ойындарын жеңіспен бастады. Боксшы өте қиын кездесуде жергілікті қытайлық спортшыны ұтты.
- Боксшы Назым Қызайбай Азия ойындарының жартылай финалына шыға алмады
- Азиада-2023: семсерлесуден Қазақстан құрамасы ширек финалға шықты
Мәтіннен қате тапсаңыз,бізге жазыңыз
Оригинал статьи: https://kaz.nur.kz/sport/boxing/2038773-aziada-2023-bokssy-nurbek-oralbai-qytailyq-qarsylasyna-ese-ziberdi/
