Елордалық "Барыс" хоккей клубы өз алаңында ресейлік "Нефтехимик" командасын қабылдайды, деп хабарлайды KAZ.NUR.KZ.
Бүгін, 23 қараша қазақстандық "Барыс" клубы Құрлықтық хоккей лигасының Шығыс конференциясының топтық кезеңі аясында ресейлік "Нефтехимик" ұжымын қабылдайды. Кездесу Астана қаласындағы "Барыс Арена" мұзайдынында сағат 19:30-да басталады. Ойынның тікелей эфирін Qazsport арнасынан тамашалай аласыздар.
Мұзайдын қожайындары "Барыс" ұжымы Құрлықтық хоккей лигасының Шығыс конференциясында 34 матч өткізіп, 25 ұпай жинаған. Елорда намысын қорғайтын клуб әзірге 11-орынға табан тіреген.
Ал ресейлік "Нефтехимик" ұжымы 33 ойында 33 ұпай жинап, әзірге 9-орында. Егер мұзайдын қонақтары бүгінгі кездесуде жеңсе, плей-офф ойындарына қатысуға мүмкіндіктері туады.
Айта кетейік, "Барыс" хоккей клубы осыған дейін "Торпедо" ұжымына қарсы ойнап, 4:2 есебімен ұтылған еді.
Мақаланың түпнұсқасы: https://kaz.nur.kz/sport/hockey/2047253-barys-xokkei-kluby-oz-alanynda-zeniske-zete-ala-ma/
