ҚХЛ: "Барыс" хоккей клубы өз алаңында "Витязды" қабылдайды
Опубликовано:
Бүгін, 27 қараша қазақстандық "Барыс" хоккей клубы өз алаңында ресейлік "Витязь" командасын қабылдайды. Бұл туралы KAZ.NUR.KZ тілшісі хабарлайды.
27 қарашада Құрлықтық хоккей лигасының кезекті туры аясында "Барыс" пен "Витязь" ұжымдары ойнайды. Матч Астана уақыты бойынша кешкі сағат 19:30-ға жоспарланған. "Барыс Аренада" өтетін ойынды Qazsport арнасының тікелей эфирінен тамашалауға болады.
Кездесу қожайындары "Барыс" командасы Құрлықтық хоккей лигасының Шығыс конференциясында 35 матч өткізіп, 27 ұпай жинаған. Астана қаласының хоккей клубы әзірге 11-орынға табан тіреп тұр. Ал елордаға қонаққа келетін "Витязь" командасы ҚХЛ-дың Батыс конференциясында ең соңғы орында. Ресейлік ұжым 35 ойында небәрі 28 ұпай жинаған.
Еске салайық, 23 қараша елордалық "Барыс" өз алаңында ресейлік "Нефтехимик" командасын қабылдады. Осы ойынға дейін "Барыс" ұжымы ҚХЛ-дың Шығыс конференциясында 11-орында болса, "Нефтехимик" 9-орында болды. Астанада өткен кездесу 4:3 есебімен жергілікті команданың пайдасына шешілген еді.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/hockey/2047791-qxl-barys-xokkei-kluby-oz-alanynda-vityazdy-qabyldaidy/