Құрлықтық хоккей лигасы аясында астаналық "Барыс" өз алаңында омбылық "Авангардты" қабылдады. Кездесу нәтижесінде елордалық клуб 5-1 есебімен қарсыласын ойсырата жеңді. Бұл туралы KAZ.NUR.KZ тілшісі хабарлайды.
Есепті алғашқы таймда "Барыс" хоккейшісі Даниль Апальков ашты. Бұл елордалық команданың ҚХЛ маусымындағы 100-шайбасы болды.
Екінші таймда Кирилл Савицкий басымдықты арттырды. Әрі қарай "Барыс" сапынан Энтони Камара, Әлихан Өмірбеков, Давид Скленичка гол соқты.
Ал "Авангардтың" осы матчтағы жалғыз шайбасын ойынның аяқталуына 3 минут қалғанда Михаил Гуляев салды.
Осылайша астаналық клуб өз алаңында "Авангардтан" есе қайтарды. Енді 30 желтоқсанда "Барыс" Челябинсктің "Трактор" клубына қарсы ойнайды.
Жыл басталғалы "Барыс" пен "Авангард" осымен 5-рет кездесті. Бұған дейінгі матч омбылық команданың пайдасына шешілген еді (5:1).
Қазір "Барыс" клубы Құрлықтық хоккей лигасының турнир кестесінде 21-орында тұр. Ал "Авангард" 6-орынға табан тіреген.
Мақаланың түпнұсқасы: https://kaz.nur.kz/sport/hockey/2053173-qxl-barys-oz-alanynda-avangardty-aiqyn-basymdyqpen-zendi/