Канвон-2024: қазақстандық хоккейшілер Олимпиаданың қола жүлдесіне таласады

Оңтүстік Кореяда өтіп жатқан жасөспірімдер арасындағы Канвон-2024 қысқы Олимпиадаcында Қазақстан құрамасы 3x3 хоккейден финалға шыға алмады. Бұл туралы KAZ.NUR.KZ Қазақстан хоккей федерациясының ресми сайтына сілтеме жасап хабарлайды.

Жартылай финалда қазақстандық хоккейшілер турнир кестесінің көшбасшысы Латвия командасына қарсы ойнап, 19:6 есебімен ұтылып қалды. Іріктеу сайыстарында мүлде жеңілмеген латвиялықтар ойынның бірінші кезеңінде 9 шайба салды (9:1). Екінші кезең 2:2 есебімен тең аяқталды. Бірақ шешуші партияда Латвия құрамасы айқын басымдықпен ұтты — 8:3.

Енді Қазақстан құрамасы екінші жартылай финалда жеңілген командамен қола жүлдеге таласады. Екінші жартылай финал Австрия мен Дания арасында өтеді.

Посмотреть эту публикацию в Instagram

Публикация от Instagram

Еске салайық, Қазақстан хоккей құрамасы жасөспірімдер Олимпиадасындағы алғашқы ойынын Польшаға қарсы өткізіп, 18:8 есебімен жеңген болатын. Кейін ұлттық құрама Австриядан 9:8, Латвиядан 11:15, Даниядан 8:6 есебімен жеңіліп қалды. Десе де топтық кезеңдегі төртінші ойында қазақстандық хоккейшілер Тайбэйді ұтты (14:2). Артынша Испания командасынан басым түсті (14:4).

Мәтіннен қате тапсаңыз, бізге жазыңыз