"Барыс" хоккей клубы ҚХЛ-дың жаңа маусымын сәтсіз бастады

Астаналық "Барыс" хоккей клубы Құрлықтық хоккей лигасының 2024/2025 жылғы маусымын жеңіліспен бастады. Бұл туралы KAZ.NUR.KZ тілшісі хабарлайды.

Жаңа маусымдағы алғашқы матчта елордалық команда өз айдынында ресейлік "Нефтехимикті" қабылдады. Бірінші таймда командалар бірде-бір шайба соқпады. Ал 37-минутта астаналық форвард Уэйд Эллисон қарсыластың қақпасын дәл көздеп, есеп ашты.

47-минутта ресейлік клуб сапынан Владимир Брюквин мергендік танытып, есепті теңестірді. Ойынның негізгі уақыты тең аяқталды (1:1). Жарыс жеңімпазы овертаймда белгілі болды. "Нефтехимик" хоккейшісі Жан-Себастьен Ди айдын иелерінің қақпасына екінші шайбаны салды. Осылайша, матч 1:2 есебімен аяқталып, "Барыс" командасы жеңіліске ұшырады. Бұл ойын үшін елордалық ұжымға бір ұпай берілді.

Енді "Барыс" командасы 6 қыркүйекте өз айдынында Челябинсктің "Трактор" клубын қабылдайды. Ал "Нефтехимик" дәл сол күні "Авангардпен" кездеседі.

Мәтіннен қате тапсаңыз, бізге жазыңыз