"Барыс" хоккей клубы қатарынан 6 матчта жеңіліс тапты

Астаналық "Барыс" хоккей клубы Құрлықтық хоккей лигасының жаңа маусымындағы соңғы үш ойынында жеңіліске ұшырады. Бұл туралы KAZ.NUR.KZ тілшісі хабарлайды.

Елордалық команда Құрлықтық хоккей лигасының өткен жылғы маусымын ең соңғы орынмен аяқтаған еді. Жаңа маусым басталғалы елордалық команда әлі жеңіске жетпеді. Кеше, 9 қыркүйекте ҚХЛ-дің 3-турында астаналықтар "Амур" клубымен өз айдынында кездесіп, ойсырай жеңілді (1:5).

Матчың бірінші кезеңінде "Барыс" қақпасына жауапсыз екі шайба кірді. Екінші кезеңде де дәл осы жағдай қайталанды. Ойынның соңғы үшінші бөлігінде командалар бір-бір голмен алмасты.

Осыған дейін "Барыс" Челябинск қаласының ұжымы "Трактордан" 1:4, "Нефтихимктен" 1:2, ал "Сібір" командасынан 0:4 есебімен ойсырай жеңілген еді.

Айта кетейік, 13 қыркүйекте астаналық клуб өз айдынында Минкстің "Динамосын" қабылдайды.

Мәтіннен қате тапсаңыз, бізге жазыңыз