26 желтоқсан мен 5 қаңтар аралығында Канадада жастар арасындағы шайбалы хоккейден әлем чемпионаты өтеді. Бұл туралы KAZ.NUR.KZ Olympic.kz сайтына сілтеме жасап хабарлайды.
Хоккейден Қазақстан жастар құрамасы В тобында Оттава қаласында ойнап, топтық кезеңде Чехия, Словакия, Швейцария және Швеция командаларымен кездеседі.
16 желтоқсанда Астанадағы оқу-жаттығу жиыны аяқталғаннан кейін хоккейшілер Канадаға аттанады. Онда дайындықты жалғастырып, екі жолдастық матч өткізеді: 19 желтоқсанда Германия құрамасына қарсы ойнаса, ал 21 желтоқсанда Орталық Канада хоккей лигасында (CCHL) өнер көрсететін "Хоксбери Хокс" жастар командасымен мұз айдынына шығады.
Айта кетейік, 27 желтоқсанда Қазақстан құрамасы чемпионатты бастайды. Алғашқы матч шведтерге қарсы болмақ.
Мақаланың түпнұсқасы: https://kaz.nur.kz/sport/hockey/2199684-hokkeiden-qazaqstan-quramasy-alem-chempionaty-aldynda-eki-zholdastyq-match-otkizedi/
