Хоккейден АҚШ құрамасы Канаданың Оттава қаласында өткен жастар арасындағы әлем чемпионатында жеңімпаз атанды. Бұл туралы KAZ.NUR.KZ хабарлайды.
Финалдық матчта АҚш хоккейшілері Финляндия құрамасын жеңді. Негізгі уақыт 3:3 есебімен аяқталды. Ойын барысында Финлядния құрамасы 3:1 есебімен алда болғанымен, америкалықтар есепті теңестіріп қана қоймай, овертаймда жеңісті жұлып алды – 4:3. Шешуші шайбаны Тедди Стига соқты.
Осылайша АҚШ құрамасы қатарынан екінші әлем чемпионатындай жеңімпаз атанды. Сондай-ақ олар жастар арасындағы әлем чемпионатында жалпы есепте жетінші жеңіске қол жеткізді.
Үшінші орын үшін өткен ойында Чехия құрамасы буллит сериясында Швецияны 3:2 есебімен жеңді. Негізгі уақыт пен овертайм 2:2 есебімен аяқталған болатын.
Айта кетейік, турнирге Қазақстан құрамасы да қатысқан болатын. Алайда, Қазақстан хоккейшілері сәтсіз өнер көрсетіп, Германия құрамасына шешуші матчта есе жіберіп, элиталық дивизионнан шығып қалды.
Мақаланың түпнұсқасы: https://kaz.nur.kz/sport/hockey/2208659-aqsh-hokkeishileri-qatarynan-ekinshi-alem-chempionatynda-zhengimpaz-atandy/
